كيف تكون متسامح

طبعا الموضوع باين من عنوانه

هتكلم داخل الموضوع عن التواضع والاعتذار بس النقطة الاساسية هى التسامح
ومش اول مرة اكتب عن التسامح

بس بحب الكلمة دى اوى
لان التسامح عمره ما كان ضعف بالعكس التسامح شجاعة وقوة بانك تقدر تسامح
ولاننا لازم نكون كلنا متسامحين
لان الرحمن الرحيم سبحانه وتعالى

بيسامح ويغفر الذنوب من نكون نحن لكى لا نسامح
الانسان ولا حاجةامام عظمة ورحمة ربنا

تعالوا كدا نتخيل لو كل شخص سامح اى حد غلط فى حقه
كلنا هنكون متسامحين طبعا لكل قاعدة شواذ ومش كل الناس متسامحة لكن لازم ننام وضميرنامستريح
ومفيش فى قلبنا اى كرهه او شايلين من شخص اى عتاب نسامح عشان ندخل الجنه


الدنيا مش مستاهله اننا نزعل من شخص او حد يزعل مننا ومحدش عارف امتى هيتوقف عمره
عاوزين لما نموت الناس تفتكرنا بكل خير ويقولوا ده كان طيب
ومتسامح ومتواضع
تعالوا نكون متسامحين من قلبنا هنحس بسعادة جميلة اوى

فى ناس بتسيطر عليهم صفه التكبر ويقولك لا انا لايمكن اروح اعتذر للشخص
خليك متواضع واعتذر لاى شخص زعلته منك من تواضع لله رفعه
عاوزة اى شخص يدخل التوبيك يطلع منه وهو مسامح اى حد وجهه ليه اى غلط
وبرضو لو اى شخص زعلان من شخص اخر او وجهه اى غلط لاخر يروح ويعتذرلة لان الاعتذار برضو قوة وشجاعه ومش ضعف
والرسول عليه الصلاه والسلام قال خيركم هو الى يبدا بالسلام

عاوزين قلبنا يكون صافى من اى كرهه

وبقول لاى شخص مش بيقدر يسامح لازم يحاول انه يكون متسامح
لان التسامح صفه الشجعان

وشخصيا هبدا واقول انى مسامحة اى شخص غلط فى حقى او وجهه ليا اى اهانه
وبتمنى طبعا اى حد شايف انى غلطت فى حقه يسامحنى لان عمرى ما كان قصدى اوجهه اى غلط لاى شخص
وعلى استعداد انى اعتذر لاى شخص شايف من وجهه نظرة انى غلطت فى حقه

وربنا يسامحنا كلنا ويكون راضى عننا ويغفرلنا ويهدينا جميعا
اللهم امين يارب العالمين

جزاك الله جناته
انتقاء رائع كعادتك
يتمايل الياسمين شذى بجمال متصفحك
وتتراقص الورود متعطره بروعة مانقلته أناملك
لروحك أطيب الورد واكاليل الزهر
معطره برقة طرحك